Nýsköpunarfestival Veitna

Veitur stóðu fyrir sínu fyrsta nýsköpunarfestivali í Elliðaárstöð 3.-5. júní 2025. Þar tókst hópur skapandi fólks á við áskoranir í orku- og veitumálum. Viðgangsefnin snerta okkur öll, samfélagið í heild sinni og komandi kynslóðir.

Stórar áskoranir leystar á stuttum tíma

Unnið var eftir hugmyndafræði hönnunarspretta (e. design sprints) en með þeim er hægt að leysa stórar áskoranir á stuttum tíma með því að vinna saman, nota sköpunarkraftinn, rökhugsun og snerpu. Á nýsköpunarfestivalinu voru fimm áskoranir teknar fyrir og um 20 manns töku þátt í hverjum spretti.

Áskoranir spretta

• Flýtimeðferð framkvæmda: Hvernig getum við hraðað framkvæmdum í veitukerfum – án þess að slaka á öryggi og gæðum?
• Fitulaus fráveita: Hvernig getum við komið í veg fyrir að fita endi í fráveitunni – og breytt úrgangi í auðlind?
• Orkuvitund: Hvernig getum við aukið skilning fólks á orku og orkunotkun sinni og hvatt það til að nýta hana á skynsaman hátt?
• Tenging til framtíðar: Hvernig samhæfum við veituinnviði og uppbyggingaráform
• Fráveita framtíðarinnar // Flushing to the future: Ef við gætum byrjað frá grunni – hvernig myndum við hanna fráveitukerfi framtíðarinnar?

Norhumbrian Waters Innovation festival fyrirmyndin

Fyrirmynd nýsköpunarfestivalsins má rekja til Northumbrian Waters Innovation festival í Newcastle sem er eitt stærsta veitu tengda nýsköpunarfestival í heiminum. Nýsköpunarteymið hjá Northumbrian Waters veitti ráðgjöf við undirbúning festivalsins.

Á vef Veitna má kynna sér nýsköpunarfestivalið enn betur og skrá sig á póstlista fyrir næsta nýsköpunarfestival þeirra.