Viðgerð á heitavatnslögn í Hafnarfirði

Í gær varð bilun í heitavatnslögn í Hafnarfirði sem olli töluverðum leka. Þessi bilun varð til þess að loka þurfti fyrir heitt vatn á hluta Hafnarfjarðar. Til þess að klára viðgerðina þurfti að auki að loka á heitt vatn á Álftanesi og hluta Garðabæjar seinna um kvöldið. Viðgerð lauk um kl 2.45 í nótt en áhleyping vatns á lögnina var gerð í hlutum og kl 5.30 voru allir íbúar komnir með fullan þrýsting á heita vatnið.