Skýrsla um landtengingu skipa við rafdreifikerfi Veitna

Út er komin skýrsla starfshóps á vegum borgarstjóra um rafvæðingu hafna og landtengingar í höfnum Faxaflóahafna. Hlutverk starfshópsins var að finna hagkvæmar leiðir að því að efla landtengingar skipa í höfnum með uppsetningu háspennutenginga og lágmarka þannig áhrif losunar efna sem hafa áhrif á loftslag og valda hlýnun andrúmsloftsins frá hafntengdri starfsemi. Losun gróðurhúsalofttegunda innan starfssvæðis Faxaflóahafna nemur um 1% af heildarlosun á Íslandi.