Samtaka nú!

Það er ljóst að landsmenn voru samtaka í klósettferðum á meðan á Söngvakeppni evrópskra sjónvarpsstöðva stóð yfir Ahoy höllinni í Rotterdam í gærkvöldi og þjóðin fylgdist spennt með þegar Daði og Gagnamagnið "stigu á svið". Það má glöggt sjá á tölum yfir rennsli á köldu vatni í vatnsveitu Veitna á meðan á útsendingu keppninnar stóð en notkunin minnkaði umtalsvert á meðan íslenska lagið var í loftinu. Stórir viðburðir sem þessi gefa áhugaverðar upplýsingar um sameiginlegt hegðunarmynstur borgarbúa og væntanlega landsmanna allra.