Orkuveita Reykjavíkur: Góð rekstrarafkoma Orkuveitunnar á fyrsta ársfjórðungi 2026

Orkuveitan skilar sterkri rekstrarafkomu á fyrsta ársfjórðungi 2026. Rekstrartekjur námu 20,7 milljörðum króna, sem er 10,1% aukning frá sama tímabili árið áður. Rekstrarhagnaður fyrir afskriftir (EBITDA) var 13,7 milljarðar króna, 10,2% hærri en á fyrsta ársfjórðungi 2025, og rekstrarhagnaður (EBIT) nam 9,1 milljarði króna, sem jafngildir 12,0% aukningu milli ára.

Orkuveitan (Orkuveita Reykjavíkur) skilar sterkri rekstrarafkomu á fyrsta ársfjórðungi 2026. Rekstrartekjur námu 20,7 milljörðum króna, sem er 10,1% aukning frá sama tímabili árið áður. Rekstrarhagnaður fyrir afskriftir (EBITDA) var 13,7 milljarðar króna, 10,2% hærri en á fyrsta ársfjórðungi 2025, og rekstrarhagnaður (EBIT) nam 9,1 milljarði króna, sem jafngildir 12,0% aukningu milli ára.

Þetta kemur fram í samandregnu árshlutauppgjöri samstæðu fyrir tímabilið 1. janúar til 31. mars 2026. Reikningurinn var samþykktur af stjórn í dag. Innan samstæðunnar eru, auk móðurfélagsins, Veitur, Orka náttúrunnar, Ljósleiðarinn og Carbfix.

Hagnaður tímabilsins nam 3,1 milljarði króna, samanborið við 4,5 milljarða króna á sama tímabili árið áður. Lækkunin skýrist fyrst og fremst af óhagstæðri þróun fjármagnsliða, auk þess sem atburðir tengdir starfsemi Norðuráls á Grundartanga höfðu áhrif á uppgjör fyrsta ársfjórðungs. Uppkeyrsla Norðuráls hófst á fjórðungnum en óvissa ríkir áfram um þróun mála og endanleg áhrif á rekstur og afkomu Orkuveitunnar.

Veltufé frá rekstri nam 10,7 milljörðum króna, sem er 14,1% aukning milli ára.

Efnahagur Orkuveitunnar er áfram traustur. Eiginfjárhlutfall nam 52,9% í lok mars og hefur hækkað frá áramótum. Lausafjárstaða Orkuveitunnar nam 41,5 milljörðum króna í lok tímabilsins þegar tekið er tillit til handbærs fjár, bundinna innstæðna og óádreginna lánalína.

Sævar Freyr Þráinsson forstjóri:

„Þetta uppgjör sýnir styrk og stöðugleika í kjarnastarfseminni, sem við erum að efla enn frekar. Fjárfestingar í auknu afli hitaveitna, aukinni vernd vatnsveitna og umhverfisvænni fráveitum eru í okkar áætlunum. Kröftug og snörp viðbrögð vegna bilana hjá Norðuráli á Grundartanga drógu verulega úr áhrifum tekjutapsins,“ segir Sævar Freyr Þráinsson, forstjóri Orkuveitunnar. „Enn er þar þó óvissa vegna málreksturs og framvindu viðgerða í álverinu.“

Vegferðin

Á ársfundi Orkuveitunnar 16. apríl 2026 var farið yfir stefnumótandi áherslur samstæðunnar næstu ár. Þar á meðal voru kynnt áform Orkuveitunnar til nýtingar á djúpum, ofurheitum jarðhita. Jafnframt var sagt frá nýrri orkuöflun á Hengilssvæðinu og við Hagavatn og nýsköpunarverkefnum tengdum nýtingu glatvarma og kolefnisbindingu á Grundartanga. Verkefnin miða að sjálfbærri orkuvinnslu og aukinni nýtingu í þágu samfélaga úr hringrás orkustrauma.

Upptaka af Ársfundi Orkuveitunnar 2026.

Yfirlit stjórnenda

Rekstrarár	2026	2025	2024	2023	2022
Fjárhæðir eru á verðlagi hvers árs í milljónum kr.	1.1. - 31.3.	1.1. - 31.3.	1.1. - 31.3.	1.1. - 31.3.	1.1. - 31.3.
Rekstrartekjur	20.748	18.839	17.841	16.236	15.664
Rekstrarkostnaður	(      7.006)	(      6.372)	(      6.862)	(      6.390)	(      5.369)
þ.a. orkukaup og flutningur	(      1.402)	(      1.542)	(      2.142)	(      2.289)	(      1.847)
EBITDA	13.742	12.467	10.979	9.846	10.295
Afskriftir	(      4.595)	(      4.303)	(      4.107)	(      3.829)	(      3.302)
Rekstrarhagnaður EBIT	9.147	8.164	6.873	6.017	6.993
Sjóðstreymi
Innleystar vaxtatekjur	26	82	54	31	8
Greidd vaxtagjöld	(      2.194)	(      1.865)	(      1.802)	(      1.465)	(      1.039)
Handbært fé frá rekstri	9.255	10.506	8.144	8.072	3.741
Veltufé frá rekstri	10.708	9.387	7.986	7.893	7.962
Lausafé	31.3.2026	31.3.2025	31.3.2024	31.3.2023	31.3.2022
Bundnar innstæður og markaðsverðbréf	13.460	12.464	9.897	12.112	15.046
Handbært fé	7.832	22.309	8.618	4.876	7.322
Óádregnar lánalínur	20.245	15.203	10.265	9.100	7.570
Lausafé samtals	41.537	49.976	28.779	26.088	29.938

Tengiliður:

Snorri Hafsteinn Þorkelsson

framkvæmdastjóri fjármála

snorri.hafsteinn.thorkelsson@orkuveitan.is