Fjárfestakynning Orkuveitunnar 19. mars 2026

Orkuveitan mun, í samstarfi við Fossa fjárfestingarbanka, halda fjárfestakynningu fimmtudaginn 19. mars 2026 á 6. hæð í húsakynnum Orkuveitunnar að Bæjarhálsi 1 í Reykjavík.

Boðið verður upp á morgunverð frá kl. 08:00, en kynning hefst kl. 08:30 og stendur til kl. 09:30.

Á fundinum munu fulltrúar Orkuveitunnar fara yfir starfsemi fyrirtækisins, rekstur og helstu áherslur í fjárfestingum og þróun verkefna á næstu árum.

Orkuveitan er móðurfélag fyrirtækja á sviði orkuvinnslu, veitustarfsemi og fjarskipta og eru fyrirtækin skilgreind sem mikilvægir innviðir íslensks samfélags. Fyrirtæki hennar eru Veitur, Orka náttúrunnar, Ljósleiðarinn og Carbfix.

Kynningargögn frá fundinum verða birt opinberlega á vef Orkuveitunnar að fundi loknum.

Nánari upplýsingar:

Snorri Hafsteinn Þorkelsson

framkvæmdastjóri fjármála Orkuveitunnar

snorri.hafsteinn.thorkelsson@orkuveitan.is

Arnar Geir Sæmundson

Markaðsviðskipti hjá Fossum fjárfestingarbanka

arnar.saemundsson@fossar.is