Breytingum á afsláttarkjörum frestað

Stjórn Veitna hefur ákveðið að fresta gildistöku breytinga á afsláttarkjörum viðskiptavina Veitna vegna kaupa á heitu og köldu vatni.  Þau fyrirtæki og stofnanir sem breytingin hefði haft áhrif á fengu tilkynningu þess efnis í upphafi árs 2019 og var þeim gefin aðlögunartími til 1. janúar 2020. Í millitíðinni náðist víðtæk sátt á vinnumarkaði með svokölluðum lífskjarasamningi. Í kjölfarið gaf Samband íslenskra sveitafélaga út yfirlýsingu þar sem mælst var til þess við sveitafélög að þau hækkuðu ekki gjaldskrár sínar um meira en 2,5% á árinu 2020.